LIGJET E BIZNESIT
Shtetasit e ndodhur në Emiratet e Bashkuara Arabe duhet të jenë shumë vigjilentë me atë që dërgojnë nëpërmjet shërbimit popullor për mesazhe, WhatsApp. Ligji i ri që do të aplikohet për rezidentët si dhe për të ardhurit në këtë vend, aktorët që jetojnë në Dubai, yjet e futbollit etj, do të burgosë apo do të gjobisë të gjithë ata që ofendojnë apo edhe dërgojnë mesazhe kërcënuese nëpërmjet aplikacionit WhatsApp.
Ata persona që ofendojnë në internet mund të gjobiten deri në 45 mijë paundë.
Referuar agjencisë së lajmeve “Emarat Al Youm”, një person i ndodhur në Dubai ishte gjobitur me shumën marramendëse 45,000 paundë pasi dërgoi një mesazh ofendues nëpërmjet WhatsApp. Fillimisht personi ishte gjobitur me vetëm 500 paundë, mirëpo Gjykata Supreme në Abu Dhabi urdhëroi rigjykimin. Kjo, pasi dënimi ishte “shumë i butë”. Ata kërkuan që personi në fjalë të gjobitej me 45,000 paundë ose me burgim.
Autoritetet në Emiratet e Bashkuara Arabe paralajmëruan një muaj më parë se të gjithë ata që do të dërgojnë simbolin e gishtit të mesit në aplikacione në internet do të dënohen sipas ligjit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
