LIGJET E BIZNESIT
Koordinatori i partisë më të re në vend, “Bindja Demokratike”, Astrit Patozi ka qenë i ftuar mbrëmjen e kësaj të martë në emisionin “Provokacja” në ABC News, ku ka folur rreth krijimit të kësaj force të re politike. Në fjalën e tij Patozi është fokusuar në ndryshimin e sistemit zgjedhor në vend si zgjidhje për shumë probleme që kanë kapur vendin momentalisht.
Më tej Patozi dha opinionin e tij, se si mund të arrihej deri te kufizimi i pushtetit të kryeministrit. Ai tha se, ndryshimet kushtetuese të vitit 2008 duhet të zhbëheshin.
“Për këtë duhet të zhbëjmë ndryshimet kushtetuese të 2008-ës. Nëse e bëjmë këtë atëherë kufizojmë pushtetin e kryeministrit. Më pas duhet të dalim te listat e hapura siç është sistemi mazhoritar. Për mua kryeministri është një bishë politike për shkak të sistemit jo për shkak të njeriut. Problemi im nuk është se Edi Rama është kryeministër i keq, por se nuk kam asnjë garanci, që ai që do vij pas tij do jetë më i mirë. Sistemi e favorizon që kryetari kryeministër të shndërrohet në një bishë politike dhe të shqyejë gjithçka. Duke i bërë një kafaz Kryeministrit, ne shpëtojmë Shqipërinë dhe futemi në një erë të re demokratike, në erën e Bindjes Demokratike”, përfundoi ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
