Laboratori i Institutit të Shëndetit Publik ka nxjerrë sot rezultatin e analizave mikrobiologjikë të ujit që është marrë nga ujësjellësi pasi u dyshua se shkaktoi disa simptoma te banorët në Bulqizë.
Përgjigja e mostrës së sjellë nga Shërbimi i Sëmundjeve Infektive, Njësia Vendore e Kujdesit Shëndetsor Bulqizë, në laboratorin e Institutit të Shëndetit Publik, ka dalë negative për ngarkesë mikrobiologjike, pra nuk ka ndotje mikrobiale.
Për të zbuluar shkaktarin e vërtetë të simptomave do të pritet për rezultatin e mëtejshëm të analizave nga mostrat e marra nga grupi i ISHP në Bulqizë.
Nga ana e specialistëve të ISHP në zonën ku janë paraqitur më shumë raste, janë marrë mostra uji në rrjetin ujësjellës, këto mostra janë në proces analizimi për parametrat mikrobiologjik, fiziko-kimike dhe toksikologjike (metalet e rënda dhe pesticidet), këto analiza pritet të dalin në ditët në vijim.
