Pamjet/ Gazetari i njohur sulmohet me grushta, ja si e quajti vizitën e Vjosa Osmanit në Tiranë

Gazetari i njohur në Kosovë Valon Syla, ka rënë ditën e sotme pre e një sulmi fizik.

Për pasojë shoqata e gazetarëve të Kosovës, punonjësit e medias por dhe udhëheqësit politikë, e dënuan ashpër këtë gjest ndaj drejtorit të Gazetës Metro.

Sipas policisë kanë nisur hetimet për sulmin ndaj gazetarit Syla, i cili shihet duke u qëlluar nga një person i panjohur në një video të shpërndarë në rrjetet sociale.

Asociacioni i Gazetarëve të Kosovës u bëri thirrje organeve të drejtësisë që “sa më shpejtë t’i hetojnë motivet e sulmit dhe ta zbardhin këtë rast, i cili në themel dëmton lirinë e shprehjes dhe medias. Secili sulm në drejtim të gazetarëve është sulm ndaj fjalës së lirë dhe demokracisë në vend”, thuhet në reagimin e kësaj shoqate.

Sulmi ndaj gazetarit Valon Syla pasoi disa shkrime të tij kryesisht në rrjetet sociale rreth diasporës së Kosovës, vizitave të mërgimtarëve me rastin e festave të fund vitit në kohë pandemie, si dhe shkrimeve mbi vizitën e Presidentes Vjosa Osmani në Tiranë, të cilën e quajti të turpshme.