Ishte prekur nga virusi/ Ndërron jetë bankieri i njohur, dikur deputet i Partisë Demokratike

Një tjetër politikan i njohur ka ndërruar jetë si pasojë e infektimit nga C OVID19.

Bëhet fjalë për ish-deputetin e Partisë Demokratike, njëkohësisht bankierin Bedri Çollaku i cili ka ndërruar jetë në Turqi, ku prej disa ditësh ishte dërguar për kurim të specializuar.

Çollaku lindi në Tiranë, në vitin 1950. Ai e nisi karrierën e tij në vitin 1973 pranë Bankës së Shtetit Shqiptar. Ishte diplomuar në Shkenca Ekonomike nga Universiteti i Tiranës si dhe ka përfunduar programin e Akademisë Harvard të Pireus Bank.

Në vitin 1996 u zgjodh deputet i Kuvendit të Shqipërisë si përfaqësues i Partisë Demokratike në Qarkun Tiranës.

Lajmin e hidhur të ndarjes e ka dhënë guvernatori i Bankës së Shqipërisë, Gent Sejko.