La armën mbi tavolinë/ Del foto, ky është efektivi i FNSH që u vra padashje nga i biri 7 vjeç në bilardo

Dalin detaje nga ngjarja e rëndë që tronditi sot Tiranën, ku një efektiv i FNSH u vra aksidentalisht pasi u qëllua me armë zjarri nga i biri i tij 7 vjeç, teksa po luante bilardo pranë zonës së Kopshtit Zoologjik.

Viktima është identifikuar si Roland Bicerri, 39 vjeç.

Mësohet se ai ishte duke luajtur me 7 persona të tjerë, dhe kishte lënë armën sipër tavolinës në momentin që djali e mori dhe e qëlloi aksidentalisht duke i shkaktuar vdekjen.

“Më datë 20.12.2020, rreth orës 13:25, në rrugën “Shyqyri Brari”, pranë Kopështit Zoologjik, dyshohet se aksidentalisht nga djali i tij i mitur   është plagosur punonjesi i policisë i FNSh-së, shtetasi R. B, i cili si pasojë e plagës së marrë ka ndërruar jetë.

Grupi Hetimor dhe sherbimet e Policisë ndodhen në vendngjarje dhe vijon puna për sqarimin e plotë të rrethanave të ngjarjes. Veprimet hetimore po kryhen nën drejtimin e Prokurorit, nga SHÇBA dhe strukturat hetimore të DVP Tiranë.”, thuhet në njoftimin zyrtar të policisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern