Festat e fundvitit/ OBSH lëshon një tjetër thirrje të fortë për europianët

Një tjetër thirrje e rëndësishme vjen nga kreu i zyrës Europiane të Organizatës Botërore të Shëndetësisë, Hans Kluge.

Ai u ka kërkuar të gjithë europianëve që të mbajnë distancën sociale dhe të kufizojnë kontaktet shoqërorë gjatë sezonit të festave të fundvitit, edhe pse kjo gjë ka ndikuar në shëndetin e tyre mendor.

Kluge, i cili e ka bazën e institucionit që drejton në Kopenhagë, vuri në dukje se pandemia deri më tani ka shkaktuar më shumë se 500.000 vdekje dhe 23 milionë infeksione në rajon.

Gjithashtu virusi shkatërroi jetesën e njerëzve dhe pati të tjera ndikime negative.

“Nga ankthet që lidhen me transmetimin e virusit, ndikimin psikologjik të bllokadave dhe vetë-izolimin tek efektet e papunësisë, shqetësimet financiare dhe përjashtimi social, ndikimi i shëndetit mendor të pandemisë do të jetë afatgjatë dhe i gjerë”, theksoi ai.