Berluskoni rrëfen frikën që pati në spital, por ka edhe një premtim për italianët

Pas komplikacionit në aparatin tretës, ish-kryeministri italian, Silvio Berluskoni ka lënë këtë të hënë spitalin. Berluskoni iu nënshtrua një ndërhyrje kirurgjikale dhe tashmë do kalojë fazën e rikuperimit për t’u bërë gati për zgjedhjet që po afrojnë në Itali. Në fjalën e tij përpara gazetarëve, 82-vjeçari është shprehur se tani është më i fortë fizikisht, ndonëse e pranon se ka pasur shumë frikë se mos ‘ky do të ishte fundi’.

“Jam mirë, do të bëj fushatë elektorale. Kam pasur shumë frikë. Shumë gjëra që kanë ndodhur kohët e fundit më kanë bërë të mendoj që kam arritur në fund të rrethit, në fakt kam pasur një kthesë mahnitëse. Kam premtuar që do kurohem, do bëj fushatë elektorale dy javët e fundit para votimit, kështu mund të vendosem në kontakt me italianët dhe për t’i bërë të kuptoj rreth situatës ku jemi. “, tha Berluskoni.

Silvio Berluskoni u shtrua në spital të martën e 30 prillit dhe pati shumë aludime për shëndetin e tij në disa medie përtej Adriatikut.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern