Aksioni opozitar, Salianji tregon idenë e Bashës dhe Berishës për protestën e së shtunës

Ish-deputeti i Partisë Demokratike Ervin Salianji ka qenë i ftuar në emisionin “Top Talk” në Top Channel, për të folur në lidhje me qëndrimin dhe aksionin politik të opozitës jashtë parlamentare. Në këtë javë deçizive kur do të zhvillohet protesta e madhe e radhës e opozitës, Salianji ka folur për disa nga pikat ku do të fokusohet ky tubim.

Salianji mohoi zërat se brenda radhëve të Partisë Demokratike ka dy qëndrime të ndryshme: Një ai i kreut aktual të partisë, Lulzim Basha, dhe tjetri i ish-liderit Sali Berisha, që sipas zërave kërkon një aksion më të fortë ndaj qeverisë. Sipas tij të dy, si Basha dhe Berisha ndajnë të njëjtat ide për mënyrën e vijimit të protestës.

“Nuk shoh asnjë dallim në qëndrimet e të dyve. Në të gjitha mbledhjet apo takimet që ne zhvillojmë me të gjitha strukturat, shoh që ka një qëndrim të unifikuar të të gjithë opozitës. Është nga të paktat rastet kur të gjithë grupi parametra, kryesi, e këshill mendojnë njësoj”, tha Salianji.