Kush është Anton Keli, taksisti që u ekzekutua në Rrëshen

Qyteti i vogël i Rrëshenit ka dëgjuar sërish të shtëna me armë, e si pasojë ka mbetur i vdekur taksisti, Anton Keli.

51-vjeçari me vendbanim në Malaj u qëllua rreth orës 17:40 në afërsi të Katedrales së qytetit të Rrëshenit. Keli u transportua menjëherë në spital, por nuk mundi t’i shpëtojë plagëve të marra duke humbur jetën.

Burimet konfirmojnë se Kelit i është bërë pritë nga autorët. Ai ka ndaluar makinën për tu futur në një market, me autorët që kanë qëlluar në drejtim të tij. Brenda automjetit gjendeshin fëmijët dhe bashkëshortja e Antonit.

Policia ka nisur hetimet për zbardhjen e ngjarjes, por dyshimet e para janë ato të hasmërisë.

Anton Keli është kushëri i parë me Tonin dhe Preng Gjinin, dy vëllezërit që kanë hasmëri të hapura me fisin Reçi në qytetin e Rrëshenit.Tonin Gjini mbeti i vdekur nga ky konflikt mesditen e 12 gushtit 2019 dhe dyshimet të lidhin me familjen Reçi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në foto Tonin Gjini

Kjo pasi dyshohet se Tonini i njohur edhe si Armando Gjini i ka dhënë 3 mln euro heroinë Gaspër Reçit, vëllait të Kastriot Reçit, të dy të mbetur të vdekur nga ky konflikt, raporton Newsbomb.al

Në foto Gaspër Reçi

Skena e mbrëmjes së sotme është e ngjashme me atë të ekzekutimit të Toninit, pasi në momentin e vrasjes, ai gjendej në makinë së bashku me fëmijët e tij.

Në fillimin e vitit 2019, në qendër të qytetit mbeti i vrarë, Kastriot Reçi, me policinë që e cilësojnë si ‘koka’ e gjithë konfliktit mes fiseve.

Në foto Kastriot Reçi

Objektivi i familjes Reçi u drejtua nga vëllai i Toninit, Preng Gjinit.

Në foto Preng Gjini

Ndërsa Preng Gjinit i është bërë atentat për hakmarrje më 15 shtator 2020 në kryeqytet. Gjini fatmirësisht i ka shpëtuar atentatit të mirëorganizuar mbi urën e Selitës dhe më pas iu nënshtrua një operacioni në bark.

Makinës së tij i vendosën tritol të një sasie 400 gram C4 në pjesën e përparme të makinës dhe shpërthimi i madh është kontrolluar nga një telekomandë në distancë ndërsa ai ishte duke udhëtuar./newsbomb.al