“Nuk gjeti një minutë kohë” Basha tregon pse heshti Rama tre ditë për Klodian Rashën

Edhe kryetari i Partisë Demokratike Lulzim Basha ka mbajtur sot një konferencë me gazetarët.

Ai nuk ka lënë pa komentuar ngjarjen më të fundit ku një efektiv policie vrau të riun Klodian Rasha më 8 dhjetor në Tiranë.

Basha u shpreh se Rama nuk mund ta mbajë Ardi Veliun në detyrë, për sa kohë që policia ka ndryshuar deklaratën e vrasjes së të riut .

Sipas tij kryeministri ka tentuar të manipulojë këtë ngjarje të rëndë.

“Tre ditë rrugëve të Nju-Jorkut nuk gjeti një minutë për familjen e Klodian Rashës dhe tani kthehet në vendin e krimit. Me poshtërimin e gjakut të viktimës, në tentativën për të fajësuar opozitën për dështimin e shtetit të tij. Tre ditë heshti, pse heshti?!

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sepse besoi se do ta manipulonte edhe këtë ngjarje. Komunikatat nuk dalin pa firmën e Drejtorit të Policisë. Derisa zemërata qytetare i erdhi te dera e zyrës, dhe aty doli instikti i njeriut të vërtetë… Është i gatshëm të shesë këto për të ruajtur lëkurën e tij, prandaj e shiti Sandër Lleshajn. Thjesht tregon sa i pandjeshëm është”, tha Basha gjatë bashkëbisedimit.