LIGJET E BIZNESIT
Kreu i grupit parlamentar të PS Taulant Balla ka komentuar sot për emrin e ministrit të ri të Brendshëm pas dorëheqjes së Sandër Lleshajt.
Ai u shpreh se emri i tij ka 7 vite tashmë që përmendet, por thekson se mban postin dhe të Sekretarit të Përgjithshëm të Partisë Socialiste, dhe forca e tij politike ka një libër rregullash që e pamundëson të marrë detyra ekzekutive.
Për më tepër Balla thekson se do ishte e vështirë që në këtë moment, 4 muaj para zgjedhjeve të largohej nga posti i Sekretarit të Përgjithshëm i PS.
Ai garanton se PS ka lidershipin e duhur dhe burime të mjaftueshme njerëzore që mund të marrin përgjegjësitë për postin e rëndësishëm të ministrit të Brendshëm
“Emri im nja 7 vite po njëherë, unë jam sekretar i përgjithshëm i PS. Kemi një libër rregullash që e pamundëson sekretarin të marrë detyra ekzekutive. Do ishte e vështirë që të largohesha nga sekretar. PS ka burime njerëzore shumë të mira të cilat mund të marrin përsipër dhe do ta marrin përsipër përgjegjësinë e ministrit të brendshëm.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
PS ka lidershipin e duhur, ekipin e duhur, dhe programin për të përballuar sfidat që ka Shqipëria sot e në vijim. Zgjedhjet e 25 prillit janë afër, ato do jenë të lira e të ndershme. I bëj thirrje të gjitha partive të heqin dorë nga këto ngjarje, dhe të bëhen gati për fushatën se në zgjedhje do votohet për programin, partinë e kandidatin.”- tha Balla për rubrikën “Opinion” në “News 24”.
