“E ka fundin shumë afër” Ish-ministri socialist ‘shpërthen’ ndaj Ramës: Më i paafti, më arroganti, më i babëzituri

Ish-ministri socialist Arben Malaj ka bërë një reagim të fortë kundër kryeministrit Edi Rama.

Ai e quan kreun e qeverisë si të paaftë, arrogant dhe të babëzitur për pushtet dhe para.

“Ky mentalitet dështakësh të frikësuar, kjo arrogancë, kjo babëzi dhe ky banalitet e ka fundin shumë afër. Mbështesni çdo protestë paqësore që ta shpëtojmë Shqipërinë nga hungurinat vdekje ndjellëse të rilindasve të pangopur për para dhe pushtet kriminal”, shkruan Malaj ndër të tjera.

Gjithashtu, ish-ministri e quan fjalorin e Ramës ndaj opozitës, fjalor rrugaçëror.

“Ky fjalor rrugaçësh nga kryeministri më i pa afti, më arroganti dhe më i babëzituri i Shqipërisë post komuniste, është prova e qartë se kush na qeveris dhe përse varfërohemi përditë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Na qeveris një tufë hungëruesish që nuk i kanë lënë pjesë pa i shqyer Shqipërisë tonë të shkretë. Kërkoni në Internet dhe këtë gjuhë alabakësh dhe shpirt të zi ndaj popullit opozitar nuk e gjeni asgjëkundi përveçse në republikat e bananeve të neodiktatorëve..”, thekson Arben Malaj.