“Nuk paguajnë dot ujin dhe dritat” Meta ngre alarmin: Biznesi i vogël i rënduar nga taksat e larta

Presidenti Ilir Meta ka ngritur një shqetësim në lidhje me gjendjen e biznesit të vogël dhe pasojat e pandemisë për këtë sektor.

Ai është shprehur se qeveria dhe konkretisht ministrja e Financave me në krye Anila Denajn, nuk ka ende një plan të qartë për këtë situatë.

Sipas Kreut të Shtetit biznesi i vogël është rënduar nga taksat dhe ndodhet në vështirësi për të shlyer detyrimet.

Meta shprehet i shqetësuar pasi sipas tij biznesi i vogël nuk po përballon dot pagesat e energjisë elektrike, ujit apo dhe qiratë e ambientit.