‘Kjo javë është vendimtare’ Eugena Tomini zbulon ‘gurin e fundit’, ja si do veprohet për festat e fundvitit

Sipas shefes së Epidemiologjisë në ISHP Eugena Tomini izolimi do të ishte guri i fundit për të lëvizur në kuadër të situatës nga pandemia në Shqipëri, në një kohë që sistemi shëndetësor ka ende kapacitet për të përballuar pacientët e infektuar që janë të shtruar në spitale.

Ajo shton se hapja e spitaleve rajonale do të bëhet në mënyrë graduale, dhe thekson se ezaurimi i gjithë shtretërve do të bëjë që të vihet në lëvizje plani i veprimit.

Tomini u shpreh se Komiteti i Ekspertëve e ka përcaktuar këtë javë si vendimtare për të vlerësuar masat që mund të merren në ditët në vijim.

Ajo këshilloi që festat të kalohen pranë familjes së ngushtë në mënyrë që të shmangen sa më shumë transmetueshmëria e virusit gjatë kësaj periudhe.

“Këtë vit mos të shkojmë ne tek festa, festa të vijë tek ne, të festojmë në familje këtë vit”, sugjeroi Eugena Tomini ndër të tjera.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern