E rëndë/ Pëson goditje celebrale, zv.kryetari i Bashkisë Elbasan dërgohet me urgjencë në spital

Një lajm i rëndë vjen së fundmi nga Bashkia e Elbasanit.

Mësohet se zëvendës kryetari i këtij institucioni Ervin Saraci ka pësuar një goditje cerebrale dhe ndodhet në rrezik për jetën.

Menjëherë pas ngjarjes, 37-vjeçari është dërguar me urgjencë në spital.

Lajmin e ka bërë të ditur inspektori Shkëlqim Hajdari me anë të një njoftimi në rrjetet sociale.

“Motra dhe vellezer!

Ervin Saraçi, zv/ Kryetari i Bashkise së Elbasanit, ka pesuar papritur një goditje cerebrale dhe ndodhet ne gjendje te rendë ne spital.

Ky djale i shkelqyer, intelektual,me cilesi e virtyte të një qytetari e besimtari model, ka nevoje sot per lutjet tona.

O Krijues i Gjithesisë, të lutemi Ty, ti behesh krah Ervinit, per të kaluar ketë sprovë”,- shkruan Shkëlqim Hajdari.