LIGJET E BIZNESIT
Gjykata e Tiranës ka marrë vendimin për të lënë të lirë, Ervis Martinajn, një nga personat e përfshirë në përplasjen e ndodhur në ish-Bllok më 4 tetor të vitit 2018, ku mbeti i vrarë Fabjol Gaxha.
Martinaj, u la i lirë me një garanci pasurore prej 5 milionë lekësh të reja. Vendimi u dha nga gjyqtari Artan Gjermeni, dhe u zbatua pavarësisht kundërshtimit të prokurorisë.
Por kush është gjyqtari Artan Gjermeni?
Artan Gjermeni e ka nisur karrierën e tij në vitin 2000 në qytetin e Lushnjës, si Kryetar i Gjykatës në këtë qytet. Për vendimet e dhëna në lidhje me banën e Luhsnjës ose e njohur ndryshe si banda e Aldo Bares, Gjermeni u akuzua të kishte lidhje me grupin në fjalë.
Por me ardhjen në pushtet të Partisë Demokratike, akuzat u bënë zyrtare. Ministri i drejtësisë në atë kohë, Aldo Bumçi kërkoi hetim nga KLD-ja për gjyqtarin Gjermeni.
Ai e akuzonte Gjermenin, që tashmë kishte kaluar në gjykatën e Kavajës dhe që mbante edhe detyrën e anëtarit të KLD-së, për shkelje në detyrë dhe për parregullsi në deklarimin e pasurisë. Gjermeni i shpëtoi shkarkimit pasi anëtarët e tjerë të KLD-së votuan pro tij, ndërsa më pas u transferua nga Kavaja në Elbasan në vitin 2011.
Me vendimin e KLD-së, Gjermeni arriti të rikthehej sërish në Gjykatën e Tiranës.
Ai ka pasur në dorë çështje mjaft ‘të nxehta’ si ajo e ish-guvernatorit të Bankës së Shqipërisë Ardian Fullani dhe të djalit të ish-deputetes Luiza Xhuvanit, Kostandinit.
Fullani u akuzua për shpërdorim detyre me pasojë vjedhjen e 713 milionë lekëve nga thesari i BSH, por u shpall i pafajshëm në tetor të vitit 2015. Gjyqtari Artan Gjermeni, në kohë rekord, publikoi vendimin prej 16 faqesh, duke rrëzuar prokurorinë në të gjitha pikat.
Gjermeni ishte gjithashtu pjesë e trupi gjykues ku Kostandin Xhuvanit ju hoq dënimi i përjetshëm. Xhuvani akuzohej për vrasje të katërfishtë, e cila ndodhi nëntorin e vitit 2014 në një lokal nate në rrugën e Elbasanit në kryeqytet.
Në ditët e para të 2016-ës, gjyqtari Gjermeni u paraqit në QSUT me katër plagë thike. Vetë gjyqtari u shpreh se ishte plagosur aksidentalisht në garazhdin e tij por burime të ndryshme bënin me diej në atë për mediat se Gjermeni ishte plagosur nga një femër.
Zyrtarisht polica e trajtoi këtë çështje sipas deklaratës së vetë gjyqtarit. “Ishte aksidentale, po punoja në garzhd dhe më ra qenepi,”- shprehej gjyqtari në atë kohë.
Sot gjyqtari Artan Gjermeni nuk e ka kaluar ende sitën e Vettingu-t./ dosja.al
