Gjykata e Kurbinit ka vendosur të lërë në burg tre autorët e vrasjes së dy kushërinjve Mikel dhe Jani Jushi në qytetin e Laçit.
Gjatë dëshmisë njëri prej autorëve të vrasjes, Vinçesk Bushi ka thënë se konflikti fillimisht ka nisur me goditje fizike.
Ai ka pretenduar gjithashtu se viktimat e kanë goditur me sende të forta dhe për këte atij i është dashur që më pas të nxjerrë armën.
“Më goditën me sende të forta, ndaj situata agravoi deri në përdorimin e armëve’, ka deklaruar Bushi gjatë dëshmisë së tij.
Krimi në Laç ndodhi të dielën pas një debati midis dy kushërinjve Mikel dhe Jani Jushi dhe dy të tjerëve, Manuel dhe Vinçesk Bushi.
Viktimat dhe autorët njiheshin me njëri tjetrin dhe mësohet se debati në lokal ka nisur për një foto në rrjetet sociale.
Konflikti ka përfunduar deri në nxjerjen e armëve, dhe në momentin që viktimat kanë tentuar të largoheshin, autorët i kanë ndjekur rreth 100 metra duke i qëlluar viktimat Mikel dhe Jani Jushi me breshëri plumbash.
