Bëni gati valixhet/ Nuk ka nevojë për karantinë apo test, ky shtet pranon turistë që nga 10 Dhjetori

Të gjithë turistët që mendojnë të udhëtojnë drejt Islandës, të mos hezitojnë pasi mund ta bëjnë këtë pa u futur në karantinë dhe pa vërtetuar se nuk janë me Covid. Duke nisur nga data 10 Dhjetor, cdo person që hyn në Islandë përjashtohet nga karantina e detyrueshme Covid-19 dhe kërkesat e depistimit nëse mund të japin prova të infeksionit paraprak.

Rregullat aktuale kërkojnë që të gjithë udhëtarët që mbërrijnë në Islandë nga zonat me rrezik Covid-19 t’i nënshtrohen 14 ditëve karantinë ose të bëjnë dy teste shqyrtimi Covid-19, të ndara nga karantina pesë ditore derisa të mësohen rezultatet e testit të dytë. Testet e shqyrtimit të kufijve janë përkohësisht falas nga e marta deri më 31 janar. Të gjitha vendet konsiderohen aktualisht zona me rrezik.

Autoritetet islandeze të shëndetësisë kanë dalë në përfundimin se njerëzit të cilët janë prekur nga virusi dhe e kanë kaluar tashmë sëmundjen, nuk përbëjnë më rrezik për përhapjen e saj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern