LIGJET E BIZNESIT
Një ngjarje e rëndë ka ndodhur së fundmi në Greqi.
Mësohet se banesa e një familje shqiptare në Selanik, ku jetonte çifti i bashkëshortëve së bashku me tre fëmijët, është përfshirë nga zjarri.
Si pasojë e flakëve ka ndërruar jetë djali i madh, i moshës 16-vjeçare.
Lajmi i rëndë është konfirmuar dhe nga mediat greke.
Sipas Protothema, në momentin që ra zjarri brenda në shtëpi, aty ndodheshin të tre fëmijët, të moshave 16, 13 dhe 6 vjeçare.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ndërkohë prindërit nuk ishin në banesë, pasi babai po punonte dhe nëna ishte nisur të hënën drejt Shqipërisë.
Gjithashtu mësohet se për fëmijët po kujdesej tezja, por për momentin nuk ndodhej në shtëpi.
Ishte telefonata e mbesës së saj 13-vjeçare e cila e njoftoi dhe me të mbërritur në banesën e përfshirë nga flakët, u fut brenda të shpëtonte fëmijët.
Gruaja pësoi djegie të rënda ndërsa arriti të nxirrte gjallë nipin dhe mbesën, por nuk pati mundësi të shpëtonte 16-vjeçarin, i cili kishte dhe probleme me lëvizjen.
Hetimet kanë nisur për të përcaktuar shkaqet e zjarrit, por sipas informacionit paraprak, 16-vjeçari mund të ketë provuar të ndezë një pajisje elektrike me qëllim që të ngrohej, kur në rrethana të panjohura, një zjarr shpërtheu në dhomën e tij.
