LIGJET E BIZNESIT
Ditën e sotme Gjykata e Posaçme kundër Korrupsionit dhe Krimit të Organizuar ka vendosur të dënojë me 6 muaj burg ish-anëtarin e KPA Luan Daci, një nga emrat më të lakuar të drejtësisë shqiptare.
Vetë gjyqtari Luan Daci ka hedhur poshtë akuzat dhe ka deklaruar para mediave se nuk ka falsifikuar asnjë dokument në jetën e tij.
Gjatë seancës që u mbajt sot, SPAK ka kërkuar që gjyqtari të dënohet me 1 vit burg.
Kujtojmë se Luan Daci është nën akuzë për “Falsifikim dokumentesh” pasi rezulton se ka fshehur faktin që është përjashtuar nga drejtësia para disa vitesh.
Kanë qenë disa gjyqtarë dhe prokurorë që kanë kallëzuar Luan Dacin në SPAK për “Falsifikim dokumentesh dhe “Deklarim të rremë”. Paditësit janë shkarkuar pikërisht nga vettingu edhe me votën e Luan Dacit.
Pasi Luan Daci u mor i pandehur nga SPKA, KPA e pezulloi atë nga detyra në muajin korrik 2020. Ndërkohë, avokati i tij, Jordan Daci, ka thënë para mediave se vendimi për klientin e tij nuk është i drejtë dhe se vendimi do të çohet në Gjykatën e Apelit. Vendimi për dënimin e Luan Dacit me 6 muaj burg është konvertuar në 12 muaj shërbim prove.
