E konfirmon ky studim/ Ky është grupi i gjakut më pak i rrezikuar nga ko.ronavirusi

Në kohën që bota ende vijon të jetë në kulmin e pandemisë, një studim i ri shton provat se njerëzit me gjak të tipit 0 ose Rh-negativ mund të jenë më pak të rrezikuar nga C.OVID19.

Mes 225.556 kanadezëve të cilët u testuan për virusin, rreziku për një diagnozë ishte 12 përqind më ulët dhe rreziku për C.OVID19 me simptoma të rënda ose vdekja ishte 13 përqind më i ulët për njerëzit me grupin e gjakut zero, në raport me ata që e kanë A, AB ose B.

Ky studim u krye në revistën shkencore, Annals of Internal Medicine ditën e martë.

Konkretisht, personat me çdo grup gjaku që ishin Rh-negativë ishin gjithashtu disi të mbrojtur, veçanërisht nëse kishin gjak O-negativ.

Njerëzit në këto grupe të gjakut mund të kenë zhvilluar antitrupa që mund të njohin disa aspekte të virusit të ri, i tha Reutersit, bashkautori Joel Ray nga spitali St. Michael në Toronto.

“Studimi ynë i ardhshëm do të shikojë në mënyrë specifike antitrupa të tillë dhe nëse ato shpjegojnë efektin mbrojtës,” tha Ray.