Fundjavë e dhimbshme për Joe Biden/ Demokrati përfundon urgjent në spital, Donald Trump i uron shërim të shpejtë

Fundjavë e dhimbshme kjo që lamë pas për presidentin e zgjedhur të SHBA Joe Biden.

Mësohet se ai ka pësuar një aksident teksa luante me qentë gjatë fundjavës së festës së Falenderimeve dhe ka thyer këmbën.

Menjëherë ai është dërguar urgjent për në spital.

“Grafitë fillestare nuk treguan fraktura të dukshme, por stafi mjekësor urdhëroi për një skaner më të detajuar ku dhe më pas u gjetën dy fraktura të vogla në mes të këmbës së tij të djathtë”, shkruan në deklaratë doktori i tij, Kevin O’Connor.

Edhe pse frakturat konsiderohen si një shqetësim i madh për njerëzit në moshë, por Biden nuk duket se ka një thyerje serioze bazuar në deklaratën e doktorit dhe në mjekimin që ai do të marrë.

Gazetarët raportuan se presidenti i zgjedhur amerikan po çalonte ndërsa po shkonte për të bërë skanerin.

Madje, presidenti aktual, Donald Trump i uroi shërim të shpejtë në Twitter , “Shërim të shpejtë!”

Get well soon! https://t.co/B0seiO84ld

— Donald J. Trump (@realDonaldTrump) November 30, 2020