“Shëndetësia shqiptare ka probleme” Sot u prezantua si parti, mjeku i njohur bashkohet me Nismën “Thurje”

Ditën e sotme lëvizja “Nisma Thurje” është prezantuar si lëvizje e re politike, ku u bë i ditur programi me të cilin do të garojë në zgjedhjet e ardhshmë të 25 prillit.

Pjesë e kësaj lëvizje është bërë dhe mjeku i njohur Artan Koni.

Ky i fundit ka denoncuar më herët koncensionin e sterilizimit si dhe shpeshherë ka qenë një zë kritik gjatë kësaj periudhe pandemie në Shqipëri.

Sot ai foli në kuadër të prezantimit të programit të “Thurjes” duke thënë se vendi dhe shëndetësia ka shumë problematika, të cilat mund të gjejnë zgjidhje, duke bërë të mundur decentralizmin e shëndetësisë. Tenderat të bëhen nga vetë spitali dhe jo MSH.

‘Unë dua të flas për një temë që merrem përditë. Problemet e shëndetësisë shqiptare. Mungesa e bazës materiale. Besoj e dini të gjithë që në spitalet shtetërore mungojnë ilaçet, aparaturat moderne, shtretërit. Sot jemi vendi me numër shtretërish më të ulët në Europë. Shkaku kryesor është centralizimi i shëndetësisë shqiptare. Tenderat bëhen nga Ministria. Spitalet dërgojnë kërkesën te MSH, Ministria e Shëndetësisë bën tenderin dhe dërgohen specifikat. Në praktikë, nëse spitali kërkon ‘x’ sasi ilaçesh, MSH dërgon ‘y’, një sasi më të vogël, dhe me cilësi më të ulët. Ne tani duam të bëjmë decentralizimin. Që spitalet të vetëmenaxhohen. Tenderat të mos i bëjë MSH, por t’i bëjë vetë spitali. Do t’i menaxhojë në mënyrë të sukseshme paratë, dhe tepricat do t’i përdorë për të përmirësuar kushtet spitalore për pacientët. Paratë mund të merren nga i gjithë lumi i lekëve që ne paguajmë për shëndetësinë.’-tha Koni.