“Ky vendim është lajthitje kolektive” Nuk përmbahet Rama, i bën thirrje e fortë Kuvendit

Ditën e sotme Këshilli i Qarkut Kukës ka vendosur ti heqë titullin “Nderi i Qarkut Kukës” shkrimtarit të njohur dhe publicistit Veton Surroi.

Ky titull është dhënë në 2015 me motivin “Për kontribut të veçantë në fushën mediale dhe politike gjatë krizës së vitit 1999 dhe shpalljes së Pavarësisë së Kosovës”.

Mësohet se ky vendim është marrë pas  kërkesës që i kanë drejtuar Këshillit të Qarkut dy intelektualë të Kukësit. Domi thotë se Surroi ka mbajtur qëndrim kundër luftës së UÇK dhe nuk e meriton këtë titull.

Kryeministri Rama ka reaguar pas këtij vendimi duke e quajtur lajthitje.

“Vendimi i Këshillit të Qarkut të Kukësit për heqjen e titullit “Qytetar Nderi” Veton Surroit është një lajthitje kolektive që uroj Prefekti do ta refuzojë! Ndërkohë parlamenti duhet të ndërhyjë për ta normuar njëherë e mirë çështjen e titujve e të medaljeve. Ky vend s’mund të jetë një planet më vete brenda botës që e ka sistemuar me kohë e me vakt këtë punë, ku s’ka president që jep medalje për heronjtë e luftrave të shkuara se kështu i thotë koka dhe s’ka këshill që ia heq titullin dikujt me kërkesë të disave! Boll me këtë absurd!”, shprehet kryeministri Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern