Zjarr në një banesë në Tiranë/ Dalin detajet, ja cilat janë dyshimet e policisë

Një ngjarje e rëndë ka ndodhur sot në mbrëmje në Tiranë.

Por për fat të mirë nuk janë shënuar viktima.

Mësohet se një banesë është përfshirë nga flakët në “Rrugën e Dibrës”.

Si pasojë ka pasur vetëm dëme materiale, pasi një person që ndodhej në banesë, i cili jetonte vetëm, është evakuuar menjëherë.

Policia është njoftuar dhe ka konstatuar se rasti në të njejtën banesë është i përsëritur, brenda pak javëve.

Grupi hetimor është në vendngjarje, por paraprakisht dyshohet se pronari ia vë vetë zjarrin banesës, për qëllime përfitimi siguracioni, dhe jo vetëm.

Zjarrëfiksja bëri të mundur shuarjen e flakëve duke frenuar përhapjen e saj në banesat e tjera.