LIGJET E BIZNESIT
Mbrëmjen e sotme zv.ministri i Infrastrukturës Artan Shkreli është përballur me historine e dhimbshme e të familjes Përgega, që një vit pas tërmetit shkatërrimtar të 26 nëntorit, nuk kanë një shtëpi ku të banojnë.
Ndërkohë gazetarja e njohur Anila Hoxha ishte me familjen dhe e zonja e shtëpise tregoi se jetojnë në një kontenier të rrethuar me plastmasë, që jua ka dhënë një organizatë fetare.
Dile Përgega shpjegoi se nisën rregullimet e shtëpisë por banesa u shemb sërish në mënyrë të papritur.
“Këta jetojnë nga një shoqatë bamirësie. Familjes Përgega i është falur një konteiner që ekanë sajuar dhe e kanë rrethuar me plastamsë. Këtu jeton vetëm një pjesë e familjes pasi pjesa tjetër është larguar ngaqë nuk ka vend. Pjesa tjetër e familjes është në Pukë. Orenditë, siç e shikoni edhe vetë, i kanë lënë jashtë,”- tregoi Anila Hoxha.
Nga studioja, Shkreli tha se nuk ka ndonjë gjë të rnëdë kjo familje, pasi ka të tjerë, që jetojnë më keq akoma.
“Ka njerëz që janë më keq se këta që jetojnë në kontenier. Ka njerëz që jetojnë vetë në çadra dhe marrin bonus qiraje. Çfarë ka këtu,”- tha Shkreli.
Replikat vijuan mes Shkrelit dhe Pano Sokos.
Shkreli: Ky është problemi i tyre…
Soko: Si problemi i tyre çfarë thoni kështu?!
Eni Vasili: Konteinerin e kanë nga shoqatat bamirëse jo nga ju, ua dha kisha
Shkreli: Po ç’të them unë, ajo një herë thotë DS3 pastaj DS4.
Vasili: Nuk tha gjë ajo për DS4 e pyetëm ne.
Shkreli: Lërini këto se ka edhe më keq. Kush e zgjidh me privat bravo i qoftë, kush e zgjidh me shtetin e zgjidh me shtetin. E falenderojmë kishën.
Vasili: E kanë fajin njerëzit domethënë?
