“Të dua pafund Koli im” Sot 7 vite nga aksidenti që i mori jetën Sokol Olldashit, nëna prek me dedikimin: Dhimbje pafund për ty bir

Ditën e sotme shënohen plot 7 vite nga aksidenti tragjik që i mori jetën një prej politikanëve më të spikatur të Partisë Demokratike, Sokol Olldashi.

Ai u nda nga jeta për shkak të një përplasjeje fatale, teksa po udhëtonte me makinë nga Elbasani drejt Tiranës mbrëmjen e 20 nëntorit të vitit 2013.

Ndërkohë së fundmi nëna e Sokol Olldashit, Kozeta Mamaqi ka bërë një dedikim tejet prekës për të birin.

Ajo shkruan se ende ndien dhimbje pa fund për të.

“Të kam përditë në kujtime” shkruan Kozeta Mamaqi për të birin e ndjerë.

“Sot unë kam vetëm lot, lot malli pafund, dhimbje pafund për ty biri im. 7 vite pritje pafund. Të dua pafund Koli im, kudo qofsh. Unë të kam përditë në kujtime, që nga hapat e parë, belbëzimet e para, e gjer atë mbasdite, që të përcolla”, shkruan nëna e prekur.