Tërmeti shkatërrimtar i 26 nëntorit/ Prokuroria mbyll hetimet për 16 persona: Do shkojnë në gjyq

Për pak ditë bëhet një vit nga tërmeti shkatërrimtar 6.4 ballë që goditi Shqipërinë më 26 nëntor.

Ndërkohë Prokuroria e Durrësit njofton se ka përfunduar hetimet.

Kujtojmë se si pasojë e lëkundjeve të fuqishme u dëmtuan një numër i konsiderueshëm banesash dhe objektesh të tjera, si dhe 23 persona humbën jetën në qytetin bregdetar.

Hetimet nisën në momentin kur dëmtimet e këtyre godinave dhe pasojat në vdekjen e njerëzve kanë ardhur edhe si shkak i ndërtimeve të kryera pa respektuar rregullat, normat dhe standardet në fushën e ndërtimeve, si dhe për shkak të ndërtimeve të kryera pa lejen e organeve kompetente.

Mësohet se si përfundim akuza dërgoi për gjykim të pandehurit si vijon: Ramiz Shehu, Nevjana Isufi, Abdulla Osmani, Ruzhdi Xheka, Arben Isaku, Aldo Dakoveli, Artur Terziu,, Artur Çela, Klajdi Lame, Flamur Gjuzi, Albrend Qetka, Skerdi Bello, Artenis Malko, Deshira Qato, Arben Qato, Kujtim Hasa.