Plas sherri në Kuvend/ Deputetët shqiptarë përleshen keq me njëri-tjetrin, ja çfarë ndodhi

Një sherr ka ndodhur sot mes deputetëve në Kuvendin e Kosovës.

Arsyeja e përplasjes është debati për të zhdukurit gjatë luftës.

Gjatë pamjeve shihet se shefi i grupit parlamentar të LDK-së, Arben Gashi është përleshur fizikisht me deputetët e LVV-së Hajrulla Çeku dhe Hekuran Murati.

Seanca e sotme është përcjellë me tensione mes Qeverisë e opozitës. Në mbyllje të interpelancës për të pagjeturit, deputetja e grupit parlamentar të Vetëvendosjes, Mimoza Kusari dhe deputeti i LDK-së, Arben Gashi, kanë vazhduar përplasjet edhe përtej foltores.

Kusari gjatë fjalimit për të pagjeturit ka thënë se Gashi më herët gënjeu. Fjalën e ka marrë më vonë Saranda Bogujevci, por s’ka mundur të flasë për shkak se Gashi e Kusari po grindeshin e u çuan në këmbë. Deputetë të Vetëvendosjes më pas kanë shkuar për ta ndalur deputetin Gashi. Më pas në fund është ndërprerë seanca.