I mori jetën Ahmet Toskës në sy të gruas, i akuzuari mohon përfshirjen në ngjarje: Jam i pafajshëm

I akuzuari për vrasjen e 50-vjeçarit Ahmet Toska në Fier, Fatmir Hoxhaj ka dalë sot para trupit gjykues, ku do të njihet me masën e sigurisë.

Ai është shfaqur kokëulur teksa ngjiste shkallët e gjykës, ndërkohë që mban dhe maskën anti-virus.

Hoxhaj i ka mohuar akuzat e ngritura ndaj tij përpara togave të zeza.

Ai ka deklaruar se ditën e krimit ka fjetur gjumë deri në orën 08:00, dhe nuk e ka bërë ai vrasjen.

“Jam i pafajshëm, atë ditë më zuri gjumi, fjeta deri në 08:00,”- është shprehur ai.

Hoxhaj u arrestua më 15 nëntor. Ai akuzohet si autor i vrasjes së Toskës mëngjesin e 26 tetorit në Fier dhe po gjykohet për veprat penale “Vrasje me paramendim” dhe “Mbajtje pa leje të armëve dhe municionit luftarak”.

50-vjeçari, Ahmet Toska u qëllua me armë zjarri në kokë në orën 6 të mëngjesit të 26 tetorit, teksa po përcillte bashkëshorten në punë. Kjo e fundit ka parë gjithë skenën. Ende nuk ihen shkaqet e këtij krimi.