Situata shqetësuese/ Shtrëngohen sërish masat në Shqipëri, ja çfarë do të ndodhë deri në një vendim të dytë

Në kohën që shifrat nga pandemia në vend vijojnë të jenë shqetësuese, Komiteti Teknik i Ekspertëve ka vendosur të shtrëngojë masat.

Në një komunikim të fundit, drejtoresha e ISHP Albana Fico ka bërë me dije se do të ndalohen grumbullimet me më shumë se 10 persona, mbledhjet partiake, konferencat, ceremonitë e festave dhe organizimet familjare.

“Ne mbledhjen e fundit, Komitetin Teknik i Eksperteve, pasi kemi analizuar situatën dhe risqet, ecurinë e epidemisë në vend dhe përgjigjen e qytetarëve ndaj masave të ndermarra dhe kemi vendosur:

1. Të ndalohen grumbullimet me më shume se 10 persona në vende të hapura dhe të mbyllura
   2. Të  ndalohen mbledhjet partiake dhe tubimet
   3. Konferencat, ceremonitë e festave, ceremonite martesore dhe organizimet përtej familjare të ceremonive mortore, deri në një urdhër të dytë”, tha Fico.