“Do vazhdojmë punët e mira” Romina Kuko emërohet në postin e rëndësishëm në Bashkinë e Tiranës

Zv.ministrja e Brendshme Romina Kuko është emëruar Kryetare e Këshillit Bashkiak të Tiranës.

Kjo lëvizje e fortë ka ardhur pas largimit të Toni Gogut, i cili mori detyrën e Prefektit të Tiranës.

Lajmin për këtë ndryshim e ka bërë të ditur vetë Romina Kuko, e cila shprehet e vlerësuar për besimin që i është dhënë.

Në një postim në rrjetet sociale, Kuko shkruan se për të është nder dhe privilegj që mban këtë detyrë.

“Nder dhe privilegj vlerêsimi dhe besimi për të shërbyer si Kryetare e Këshillit Bashkiak Tiranë; duke pasuar një koleg të çmuar si Toni Gogu dhe me ekipin e kolegëve këshilltarë të spikatur, besimplotë se bashkë do vazhdojmë punët e mira të Tiranës sonë”, shprehet Kuko në postimin e saj.