Pronari i një kompanie/ Ja kujt i përkisnin 294 mijë eurot që u kapën sot në Durrës, u arrestua 4 vite më parë

Policia e Durrësit ka shpallur në kërkim 36-vjeçarin Erjon Jovani me akuzën për pastrim parash pas sekuestrimit të rreth 300 mijë eurove në portin e Durrësit pasditen e sotme.

Mësohet se ai është arrestuar më herët në 2016, pasi në kamionin në pronësi të firmës së tij është kapur një sasi prej 189 kg e 40 gram lëndë narkotike.

Burime thanë se teksa Gjykata e Shkallës së Parë e ka dënuar atë për trafik të lëndëve narkotike kryer në bashkëpunim me shoferin e kamionit që kishte në pronësi, në vitin 2018 Jovani ka arritur të rrëzojë në Apel akuzën e trafikimit të narkotikëve dhe është dënuar vetëm për moskallëzim krimi, pasi gjykata ka vlerësuar se nuk është vërtetuar akuza tjetër.