LIGJET E BIZNESIT
Një vendim i rëndësishëm është marrë sot nga qeveria shqiptare.
Bëhet fjalë për një fond prej 12 milionë dollarësh për rimbursimin e barnave anti C.OVID19, për të gjithë qytetarët shqiptarë.
Ky vendim u mor sot gjatë mbledhjes së Komisionit të Ekonomisë dhe Financave.
Relator ishte deputeti i Partisë Socialiste, Anastas Angjeli, ndërsa propozuese për këtë fond ka qenë Ministria e Shëndetësisë.
“Duke parë vijimin e pandemisë dhe përshpejtimin e saj, ne morëm në konsideratë një çështje jetike, që është futja e paketës së ilaçeve për kurimin nga C.OVID-19, në paketën e ilaçeve me rimbursim, nga përllogaritjet e bëra është e nevojshme shtimi i buxhetit me 1.2 miliardë lekë, për të rimbursuar ilaçet për çdo person që preket dhe kurohet me ilaçet. Po tek ministria e Shëndetësisë, një çështje tjetër që ka të bëjë me njerëzit në nevojë ka të bëjë me shtimin me 1 miliardë lekë pagesën e papunësisë“, tha deputeti i PS-së, Anastas Angjeli në Komisionin e Ekonomisë.
