LIGJET E BIZNESIT
Sot pasdite rreth orës 15:30, Maqedonia e Veriut u godit nga një tërmet i fortë me magnitudë 5 i shkallës Rihter.
Epiqendra ishte në Gostivar dhe lëkundja erdhi pas asaj të mëngjesit të orës 03:54, i cili ishte 5.1 i shkallës Rihter.
Pas këtyre tërmeteve kanë reaguar dhe zyrtarë të rëndësishëm në Maqedoni, të cilët duket se kanë gjetur arsyet e rënies së tërmeteve.
Gjorgji Manaskov nga Oda Ekonomike për Energjetikë, u shpreh se tërmetet janë shkaktuar nga mbushja dhe zbrazja e liqeneve, presioni i cili bën që pllakat të lëkunden.
Megjithëse nuk është një shpjegim i bindshëm shkencor, Oda Ekonomike për Energjetikë është e bindur se e ka gjetur shkakun e rënies së tërmetit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Arsyeja kryesore për tërmetet, mes të tjerash, është edhe mbushja dhe zbrazja e papritur e liqeneve. Njëra nga arsyet kur mbushen liqenet, vjen momenti kur për shkak të presionit, pllaka fillon të lëvizet gjatë një periudhe të caktuar dhe të shkaktojë lëvizje, respektivisht tërmete”, potencoi Gjorgji Manaskov nga Oda Ekonomike për Energjetikë.
Kujtojmë gjithashtu se Dragaba Çernih nga Observatori Sizmologjik, i bëri thirrje të qytetarëve të zonës së Mavrovës që të mos konsumojnë ujin e çezmave pasi është i trubullt dhe mund të dëmtojë organizmin.
“Këtë mëngjes në orën 4:54 u regjistrua tërmet epiqendra e të cilit është në rajonin e Gostivarit. Tërmeti ishte me magnitudë prej 5 ballëve, ndërsa sipas informacioneve të fundit më së tepërmi është ndjerë nga banorët e Mavrovës dhe Gostivarit me intensitet prej 5 ballëve sipas shkallës Makrosizmologjike evropiane”, theksoi Dragaba Çernih nga Observatori Sizmologjik.
“Për shkak të tërmetit, epiqendra ishte në rajonin e Mavrovës, erdhi deri te turbullimi i ujit për pije në rrjetet e ujësjellësit. Ju rekomandojmë që një periudhë të caktuar përderisa dridhjet të qetësohen, të MOS PINI ujë drejtpërdrejtë nga çezmat tuaja”, thonë nga NPVK – Mavrovë.
