Lirohet nga detyra Prefektja e Tiranës, por ja kush është figura e njohur që do e zëvendësojë

Ditën e sotme prefektja e qarkut të Tiranës Suzana Jahollari është liruar nga detyra.

Vendimi u mor nga Këshilli i Ministrave me propozim të ministrit të Brendshëm Sandër Lleshaj.

Postin e Jahollarit mësohet se do ta marrë Toni Gogu, aktualisht kryetar i Këshillit Bashkiak të Tiranës.

Kujtojmë që më herët Gogu ka mbajtur dhe detyrën e zv.ministrit të Drejtësisë.

Ndërkohë ende nuk dihet arsyeja e kësaj lëvizjeje të fortë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

LIRIMIN DHE EMËRIMIN NË DETYRË TË PREFEKTIT TË QARKUT TË TIRANËS

Në mbështetje të neneve 100 e 114, të Kushtetutës, dhe të nenit 5, të ligjit nr.107/2016, “Për prefektin e qarkut”, me propozimin e ministrit të Brendshëm, Këshilli i Ministrave

V E N D O S I:

Znj. Suzana Jahollari, prefekt i Qarkut të Tiranës, lirohet nga kjo detyrë.

Z. Toni Gogu emërohet prefekt i Qarkut të Tiranës.

Ky vendim hyn në fuqi menjëherë dhe botohet në “Fletoren zyrtare”.