LIGJET E BIZNESIT
Policia e Tiranës ka arr*stuar sot një 42-vjeçare për mashtrim.
Burime zyrtare nga policia bënë me dije se në pra*nga u vu Elvira Lani, 42 vjeçe, banuese në Tiranë, në aksionin e koduar “Premtuesi”.
“Kjo shtetase, duke u prezantuar si punonjëse policie apo me funksione në institucione të ndryshme shtetërore, shkonte në dyqane të ndryshme dhe merrte artikuj të ndryshëm pa bërë pagesën ose me justifikimin se do të paguante më vonë. Në cilësinë e provës materiale u sekuestruan një radio e ngjashme me atë të punonjësve të Policisë, pasaporta dhe dokumente të ndryshme identifikimi, një distinktiv dhe sende të tjera të kundërligjshme. Materialet i kaluan Prokurorisë së Rrethit Gjyqësor Tiranë, për veprat penale ‘Mashtrimi’ dhe ‘Mbajtja pa të drejtë e uniformës’”, njoftoi policia.
Të njëjtat burime shtuan se aksioni i kryer nga seksioni për Krimin Ekonomik dhe Financiar në Drejtorinë e Policisë Tiranë, në bashkëpunim me Prokurorinë e rrethit, erdhi pas kallëzimeve nga disa pronarë dyqanesh “për një shtetase që merrte produkte të ndryshme dhe nuk bënte pagesën, me pretendimin se ishte punonjëse policie ose funksionare në institucione të ndryshme shtetërore”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
