LIGJET E BIZNESIT
Pas 26 ditësh në grevë, gratë naftëtare të Ballshit kanë vendosur të tërhiqen nga kauza e tyre për të zhvilluar një takim me kryeministrin Edi Rama.
Ato janë shprehur se sot presin të nisin një epokë të re për familjet dhe për bukën e fëmijëve të tyre.
Ndërkohë, një prej përfaqësueseve të grevës, deklaroi për mediat se shpresojnë në finalizimin e një negociate me kreun e qeverisë.
“Motra dhe vëllezër, ne sakrifikuam 26 ditë sot për të drejtën tonë, për kauzën tonë, që ishte e drejtë dhe e pastër si drita e diellit. Sot erdhi momenti që ne të dalim nga kjo grevë për një fitore të re. Për një kauzë të re, për një epokë të re në bashkëbisedim me kryeministrin. Ai ofroi dje negocim. Ne do të shkojmë sot për negocim, se dimë akoma, por mendoj unë se si një nënë që kam ikur 26 ditë nga shtëpia, kërkojmë bukën e gojës së fëmijëve.Sot shpresojmë që t’i çojmë bukën fëmijëve, përderisa kryeministri arriti në negociata, po dalim për një zgjidhje. E besuam përsëri dhe për naftëtarët do të nisi një epokë të re; buka e fëmijëve. Shpresojmë për zgjidhje. Ne do të jemi pjesë e takimit me kryeministrin. Mendoj se ky takim të jetë pozitiv për të gjithë naftëtarët se nuk kanë lënë për bukën e fëmijëve. Ne duam bukën e fëmijëve tanë”, tha naftetarja.
Kujtojmë se takimi do të mbahet sot ne Fier, rreth orës 18:00, ku të pranishëm do të jenë naftëtaret si dhe vete kryeministri Edi Rama.
