“Nesër do vij aty te ju” Gratë naftëtare u ‘dorëzuan’, Rama reagon entuziast: Lajm shumë i mirë

Menjëherë pasi gratë naftëtare të Ballshit të cilat ndodhen në grevë prej 25 ditësh kanë pranuar të thërrasin për dialog kryeministrin Rama, ky i fundit ka reaguar në rrjetet sociale.

Me anë të një njoftimi në rrjetet sociale, Rama e cilëson ndërprerjen e grevës si një lajm shumë të mirë.

Ai thekson se nesër do të takohet me njërin nga përfaqësuesit e naftëtarëve.

“Lajm shumë i mirë mbyllja e grevës në Ballsh! Më vjen keq për kaq shumë ditë mundim të panevojshëm, përderisa jo vetëm kemi qenë plotësisht të ndjeshëm ndaj hallit tuaj, po edhe të gatshëm ta qajmë hallin së bashku! Tani caktoni përfaqësinë dhe nesër do të jem vetë aty me ju.”– shkruan Rama në Twitter.