“Joe Biden i do shqiptarët, është një nga…”/ Çfarë thoshte masoni shqiptar për presidentin e ardhshëm të SHBA

Gazetari i ndjerë Maksim Zotaj, ishte i pari shqiptar që e ka pranuar publikisht se ishte pjesë e vëllazërisë masone.

Newsbomb po publikon për kujtesë një video kur gazetari i vetëdeklaruar mason, Maksion Zotaj thotë se Biden i donte shumë shqiptarët, edhe para se të bëhej zv.president në kohën e Obamës.

Sipas Zotaj, ai është mason gjithashtu, dhe një nga 13 familjet që drejtojnë botën, 9 prej të cilave janë me origjinë ilire.

“Janë 13 familje që qeverisin botë. Ky numër ka mbetur i njejtë gjithmonë sepse është numër simbolik. 12 muajt e viti dhe janari që vijon cikli është 13. Me dy nga këto familje unë kam pasur kontakte, ndërsa nëntë nga këto familje janë ilire. Ardhja e Sorosit zhvilloi kanabisin në Shqipëri. Ekziston një komplot kundër shqiptarëve. Nënta është numri i shqiptarëve. Thonë se Zoti ka fol me numra se s’ka kohë të flasi me fjalë. Mbi shqiptarët është një konspiracion i madh. Xhorxh Bushi është mason. Ka 8 veta në familje mason. Kur erdhi në Shqipëri hoqi kollaren në Fushë-Krujë. E di çfarë do të thotë kjo. Njeriu del nga shtëpia me kollare dhe shkon në vend pune në takime serioze, kur kthehet në shtëpi nuk i duhet kollarja. Ai këtë do t’i toshte botës, që tani jam në shtëpinë time. Ishte Joe Biden ai që i dha urdhër SHBA-së, për luftën në Kosovë. Biden është një nga 13 familjet e mëdha. Më ka thënë Maks ki kujdes se unë e njoh Shqipërinë më shumë se sa ty. Ai më dha 10 dvd që unë ti bëja dokumentar për Shqipërinë. Akoma TVSH nuk më jep shansin të them se Biden e do shumë Shqipërinë. Dhe më ka marrë 4 ditë para se të bëhej zv.president i SHBA. Biden është mason”, ka pas thënë Zotaj në emisionin e Alban Dudushit./Newsbomb