Biden shumë afër fitores/ Demokrati kryeson ndaj Trump, ja shtetet ku nuk janë numëruar akoma votat

Numërimi i votave për zgjedhjet elektorale në SHBA është drejt fundit.

Kandidati demokrat Joe Biden po i afrohet 270 votave elektorale për të marrë detyrën e Presidentit.

Deri më tani, sipas asaj që raporton Associated Press, Biden ka marrë 253 vota elektorale, ndërsa Trump ka mbetur në 213 të tilla.

Numërimi vazhdon në disa shtete teksa duket se do të pritet dhe disa ditë në rast se një prej kandidatëve nuk plotëson kuotën e 270 votave elektorale që të shpallin fituesin.

Shtetet ku po luhet fati i zgjedhjeve janë Pensilvania, Karolina e Veriut, Xhorxhia, Alaska dhe Nevada. Në katër të parat kryeson Trump teksa tek e fundit Biden.

Në kohën që mbeten ende miliona vota për tu numëruar, Biden ka marrë numrin më të madh të votave në historinë e SHBA, mbi 71 milionë.