LIGJET E BIZNESIT
Kandidati demokrat për president të Shteteve të Bashkuara, Joe Biden, ka bërë një rikthim spektakolar në Michigan, ku disavantazhin prej 200 mijë votash e ka kthyer në një epërsi prej 18 mijë votash, kur janë numëruar 94% e fletëve totale të votimit.
Rezultatet e deritanishme janë Biden 238 vota në Kolegjin Zgjedhor, ndërkohë që Trump ka akumuluar 213, sipas të dhënave në FoxNews.
Duke parë diferencën stabile të Trump në shtetet si Georgia, Karolina e Veriut dhe Pensilvani, si dhe nëse Biden ruan avantazhin në Wisconsin dhe Michigan, ku janë numëruar rreth 95% e votave, atëherë shteti i cili do të vendosë fituesin është Nevada.
Nevada ka 6 mandate në Kolegjin Zgjedhor, të cilat me sa duket do të jenë 6 mandatet e arta që do të shpallin presidentin e ardhshëm të SHBA-ve.
Aktualisht në këtë shtet janë numëruar rreth 67% e votave totale ku kryeson Biden me një diferencë të ngushtë prej 8000 votash.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
