LIGJET E BIZNESIT
E gjithë bota po ndjek me interes zgjedhjet elektorale në SHBA.
Qytetarët amerikanë i janë drejtuar kutive të votimit, për të zgjedhur të preferuarin e tyre mes kandidatit republikan Donald Trump dhe atij demokrat Joe Biden.
Trump, i cili është aktualisht president i SHBA prej 4 vitesh tashmë kërkon dhe një mandat tjetër, por për këtë ai duhet të mundë demokratin dhe njëherësh zëvendës presidentin Joe Biden.
Shifrat e pjesëmarrësve në votime janë historike, pasi numërohen mbi 100 milionë amerikanë që kanë votuar deri më tani, duke bërë kështu që këto zgjedhje të kenë numrin më të madh të votuesve në historinë e SHBA.
Por për të marrë vesh fituesin, do të duhen disa orë, dhe pasi të mbyllen qëndrat e votimit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
E derisa brenda natës nuk mund të numërohen të gjitha votat, zakonisht dihet fituesi nëse ka vota të mjaftueshme sa për ta konfirmuar rezultatin.
Por për shkak të pandemisë COVID19, ka patur rritje të numrit të qytetarëve që kanë votuar më herët (me postë).
Votat me postë duhen verifikuar fillimisht nga organet kompetente, dhe në disa vende tashmë ka filluar numërimi i tyre.
Kjo nënkupton se në disa shtete do të duhen ditë të tëra për ta nxjerrë fituesin – në veçanti nëse ata kanë një rezultat të përafërt me njëri-tjetrin.
Por kur do të mund të dimë kush i ka fituar zgjedhjet presidenciale në SHBA?
Nëse Joe Biden apo Donald Trump kanë fituar, indikacionet e para do të mund t’i kemi në orët e para të mëngjesit të mërkurës (4 nëntor). E nëse rezultati është i përafërt, do të duhen disa ditë.
Dhe shtetet që luajnë rol të madh në zgjedhje mund të japin një pasqyrë se si kanë rrjedhur zgjedhjet. Nëse Biden fiton në Arizona dhe Florida, ai sigurisht se do të kërkoj fitoren e përgjithshme.
Nëse Trump fiton në Arizona dhe Florida, kjo tregon se zgjedhjet do të jenë shumë më afër. Demokratët sipas gjitha gjasave të votojnë me postë, derisa Republikanët preferojnë të shkojnë në kutitë e votimit.
E votat në kutitë e votimit numërohen më shpejt, që do të thotë se shtetet fillimisht do të raportojnë shifra të mëdha për Trumpin. Por kur atyre u shtohen votat me postë, mund të jetë një rikthim në dobi të Bidenit.
