“Jemi shumë para me vota” Donald Trump del në konferencë, flet për herë të parë pas votimeve në SHBA

Vijon beteja ‘e nxehtë’ e zgjedhjeve elektorale në SHBA.

Presidenti Donald Trump ka dalë në konferencë për herë të parë pas votimeve.

Ai është shprehur entuziast duke thënë se republikanët janë shumë përpara me votat në krahasim me rivalin demokrat Joe Biden.

“Qytetarët amerikanë janë drejtuar në shifra rekord qendrave të votimit. Kemi fituar sot Ohio, New Texas me një diferencë 701 vota. Kemi fituar në Xhorxhia. Ne jemi shumë para në vota dhe në pamundësi që ata të na tejkalojnë.

E rëndësishme gjithashtu është dhe Pensilvania. Jemi më shumë se 600 mijë vota përpara”, u shpreh numri një i SHBA.

Sipas të dhënave të fundit që raportojnë mediat amerikane, momentalisht Joe Biden ka fituar 238 vota elektorale nga 270 që duhen për të fituar, ndërsa Donald Trump ka 213 vota elektorale.

Në total deri më tani ka një diferencë të ngushtë votash mes dy kandidatëve.

Biden kryeson me 49.8% të votave në krahasim me 48.6% të votave të Donald Trump. E përkthyer në shifra, janë: 66,506,502 vota për Joe Biden dhe 64,861,458 për Donald Trump.