Një ngjarje e rëndë ka ndodhur ditën e sotme. Një tjetër i sëmurë me virus i ka dhënë fund jetës në vendin tonë.
77-vjeçari, Hekuran Korça, është hedhur nga ballkoni i shtëpisë në katin e tretë të pallatit, në zonën e Shkozës në Tiranë.
Ngjarja ndodhi pasditen e së hënës. Ai u dërgua në spitalin e traumës dhe pas disa orësh humbi jetën.
Mësohet se para një jave, ai kishte dalë pozitiv me k*ronavirus dhe ishte i shtruar në spitalin infektiv ku iu nënshtrua terapisë mjekësore. Ditën e diel 77-vjeçari iu nënshtrua sërish tamponit. Sipas mjekëve ai ishte negativizuar. Pas kësaj përgjigje, mesditën e së hënës, Hekuran Korça la spitalin. Por vetëm pak orë më pas, ai ndërmori aktin ekstrem.
