Jo vetëm autori i sulmit/ Dhe 3 nga policët që luftuan me agresorët në Vienë janë me origjinë shqiptare

Mësohet se 3 nga policët që luftuan dje me terroristët gjatë sulmit në Vienë janë shqiptarë nga Kosova.

Lajmin e bëri të ditur ministrja e Jashtmë e Kosovës, Meliza Haradinaj-Stublla.

Ajo ndodhej sot në Berlin, për të takuar homologun gjerman, Heiko Maas.

“Kosova dënon njëzëri sulmet e natës së shkuar në Vjenë. Nuk do të jap komente mbi burime të pakonfirmuara, por do të doja të nenvijëzoja disa fakte të rëndësishme mbi atë çfarë ka ndodhur dje.

Tre prej efektivëve të policisë që iu përgjigjën sulmeve të mbrëmshme ishin shqipëtarë, shtetas të Kosovës, të cilët jetojnë të mirëintegruar në Vjenë dhe punojnë e luftojnë krahas qytetarëve austriakë për të mbrojtur vlerat dhe qëllimet që ne ndajmë me popullin austriak”, tha ministrja e Jashtme e Kosovës.

Më pas ajo shtoi se Kosova qëndron përkrah aleatëve në luftën kundër ISIS-it dhe terrorizmit.