Jozefina Topalli rikthehet në politikë/ Ja si e komenton Sali Berisha vendimin e ish-kryeparlamentares

Ish-kryeministri Sali Berisha ka komentuar së fundmi rikthimin në politikë të ish-kryeparlamentares Jozefina Topalli.

Ai rrëfeu për A2, se këtë lëvizje e ka marrë vesh nga mediat dhe nuk ishte në dijeni.

I pyetur se nëse kjo gjë dëmton Partinë Demokratike,  Berisha theksoi se çdokush ka të drejtë të zgjedhë.

PJESE NGA BISEDA:

Gazetarja: A kishit dijeni për krijimin e lëvizjes së re politike të Jozefina Topallit?

Berisha: Nuk kam patur dijeni e kam marr vesh nga mediat. Çdo njeri ka të drejtë të bëjë zgjidhjen e tij. Jozefina Topalli në dijeninë time ka patur të drejtën e kandidimit i ëhstë ofruar, dhe siç kam parë nga mediat ajo ka refuzuar të kandidojë në forumet e PD, ajo ka bërë zgjedhjen e vet duke krijuar një lëvizje.

Gazetarja: A e dëmton kjo PD?

Berisha: Thelbi i filozofisë së njeriut të lirë është zgjedhje. Çdo njeri ka të drejtën e zgjedhjes, pastaj se cilat janë pasojat e zgjedhjes është përgjegjës vetë ai që zgjedh.