Ditën e djeshme shifrat e të infektuarve dhe viktimave nga COVID19 në vendin tonë ishin shumë të larta.
Sipas informacioneve, nga 1472 tamponë të kryer, 327 njerëz kanë rezultuar pozitivë, dhe 9 kanë humbur jetën, duke shënuar kështu një rekord.
Ndërkohë sot anëtarja e e Komitetit Teknik të Ekspertëve anti-covid, Mirela Cami tregoi në ‘Wake Up’ edhe vatrat me të rrezikshme, ku 35% e rasteve janë në kryeqytet.
“Në Shqipëri aktualisht janë 500 vatra dhe 35 për qind janë në Tiranë, të tjerat janë në Durrës, Kukës, Korçë, Shkodër. Këto janë vatrat më të shumta.
Zonat e rrezikshme në Tiranë janë zonat ku ka grumbullime masive të individëve ose zonat me mbipopullim, në të cilat nuk respektohet distancomi social, janë me risk më të lartë”, shpjegoi ekspertja ndër të tjera.
