Eksperti i Shëndetit Publik Erion Dasho ka ngritur alarmin në lidhje me situatën që po kalon aktualisht vendi ynë për shkak të pandemisë COVID19.
Me anë të një foto të postuar në rrjetet sociale, Dasho tregon se një pacientit ja kanë mbushur raftin me ilaçe, dhe pse simptoma e vetme që ka është temperatura 38.
Sipas tij është duke u bërë masakër me shëndetin e qytetarëve dhe ngre pyetjen se ku janë protokollet që pretendojnë ministria dhe komiteti.
REAGIMI I EKSPERTIT DASHO
Nuk është raft farmacie, por receta e dërguar me SMS një pacienti më pak se 30 vjeç, i cili të vetmen simptomë që ka është temperaturë 38⁰!!!
Kjo masakër me shëndetin e qytetarëve duhet të marrë fund!!! Ku janë protokollet që ministria dhe komiteti pretendojnë se kanë?! Pse ky i ri po mjekohet me këtë farmaci për një temperaturë 38⁰?!